میں اور آپ اپنے دور کے امام شامل، عبدالقادر الجزائری، عزالدین القسام، ابن تیمیہ اور عمر مختار کے دور میں زندہ تھے۔
وہ حریتِ کشمیر کے اصل لشکر کا آخری مبارز!
اور میں اور آپ تاریخ کے وہ بونے جو ان دیو ہیکلوں کی حکایت میں کیڑے مکوڑے کی تعریف کے کام آتے ہیں۔ دنیا میں مگن! سود و زیاں کا حساب کرتے۔
کبھی فرصت ہو تو سوچیے گا کہ کیسے اندلس، لیبیا، قفقاز، فلسطین، اور الجزائر مغلوب ہو گئے۔ جبکہ میرے اور آپ جیسی جوانیاں بھی دھرتی کے بوجھ میں شامل تھیں۔
شاہ صاحب تاریخ میں کرداروں کو پرکھنے کا وہ آئینہ تھے جس میں سیاہی کا ہر رنگ نظر آتا ہے: سیاہی جو قوموں اور قوموں کے سرداروں کے چہرے اور دلوں سے تمام چکاچوند کے باوجود عیاں ہو جائے۔
بس ابنِ تیمیہ، امام شامل، عبدالقادر الجزائری، عزالدین القسام، عمر مختار کے دور کی طرح عالمِ اسلام کی بے بسی آج بھی ویسی ہے۔
اوکھے پینڈے لمیاں نی راہواں عشق دیاں درد جگر سخت سزاواں عشق دیاں
چنین کشتۀ حسرتِ کیستم من؟ که چون آتش از سوختن زیستم من
میں کس کی حسرت کا شکار ہوں، کہ مانندِ آتش جلنے سے ہی میری زیست ہے۔
اگر فانیم چیست این شور هستی؟ و گر باقیام از چه فانیستم من؟
اگر میں فانی ہوں تو یہ شورِ ہستی کیسا ہے، اور گر میں باقی ہوں تو میرا فنا ہونا کیا!
الوداع سیدی، کہ ہمارے لیے تو بس اس جوانی میں گریہ کرنا اور آرزؤں کی حسرت پر دنیا کا میل چڑھا کر نالہ کر لینا ہی نصیب میں ہے۔
یہ بس سید کی موت نہیں۔
یہ جوانانِ کشمیر اور پاکستان کی عزت، شرف، بہادری، مردانگی اور حمیت کی موت کا نوحہ پڑھنے والے کی روح کی آزادی ہے۔
یہ آزادی کا دن ہے!
فُزْتُ وَ رَبِّ الْکَعْبَۃ!
وَيَبْقَىٰ وَجْهُ رَبِّكَ ذُو الْجَلَالِ وَالْإِكْرَامِ
اور ہاں، کبھی اتنے بڑے آدمی کو پڑھنے اور جاننے کا اشتیاق ہو تو ۲۰۱۴ میں چھپی یہ کتاب کچھ مدد دے سکتی ہے۔
اصل سلسلہ: x.com/Munimusing/status/1433412730082430977